निळाई
निळ्या निळ्या सागराचे निळे निळे पाणी
निळ्या निळ्या आभाळाची निळी निळी गाणी

निळाईने व्यापला असा आसमंताचा पसारा
निळ्या सावळ्या हरी रुपाचा वेडा गोकुळ सारा
निळे पाणी, निळे अम्बर ,निळा भासे तो पारवा
नितळ निळ्या सागरकिनारी हवा हवासा गारवा...

एका घननिळ्यासाठी एक राधा होई वेडी
विशुद्ध प्रेमभावनेपोटी ती जनरीत मोड़ी...

नसे ते गोकुळ, नसे ती राधा, परी वाजे कधी तो नादमधुर पावा
निळेपणाची मोहिनी नेई मज निळाईच्या गावा...
निळाईचा नितळ अनुभव जणू मर्मबंधातील ठेवा

- वैशाली बताले.