अशाश्वत

दोन किनारे सागराचे पुसती प्रश्न जरी अनुत्तरीत

प्रारब्धापुढे कधी ना चाले कुणाचेच या जगतात...

जलधारा या सरसर येती जणू मेघांची उर्मी दाट

नभही देती कधी कधी भावनांना अश्रू भरली वाट...

विरह मनाचा जगी दिसतसे अवती भवती विश्वात

कोमल भावनांची कधीही लावावी कुणी कशीही वासलात!
भाळीच्या रेखानी दिली जीवनाची तुझी एकाकी वाट
तू अन मी नाही एकटे असती अनेक सोबत...

सागर सांगतो किना-याना सांत्वनाची अनोखी बात
पाणी जरी एक असेल तरी दोन किनारे या जगतात...

दोन किनारे कधी ना भेटती क्षणभंगुर जीवनात

मर्म जीवनाचे समजून घ्या ना काही नाही शाश्वत !

- वैशाली बताले.